Toplayırıq
Kənd sakinlərindən, tədqiqatçılardan və arxivlərdən foto, sənəd və xatirələr.
YADDAŞI
QORUYURUQ
Dvill mədəni irs layihəsidir. Onun yeganə məqsədi Gürcüstanın azərbaycanlı icmalarının mədəni yaddaşını qorumaqdır: məktəbləri, məkanları, dili, hekayələri və ailə fotolarını.
Nº 01Layihə haqqında
Dvill (digital villages, rəqəmsal kəndlər) Gürcüstanın azərbaycanlı kəndlərinin mədəni yaddaşını toplayan rəqəmsal arxivdir. Hər kənd üçün ayrıca səhifə hazırlayırıq: tarix, məktəb, məkanlar, dil, fotolar və insanların xatirələri.
Layihə Qaratəhlədən başlayıb. Kvemo Kartli kəndlərindəki məktəblər haqqında seriya Instagram-da davam edir və tədricən sayta köçür.
Bəyanat
Siyasi layihə deyil
Dvill qeyri-siyasi mədəni layihədir. Yeganə məqsədi Gürcüstanın azərbaycanlı kəndlərinin yerli mədəniyyətini qorumaq və yaşatmaqdır: məktəblərini, məkanlarını, dilini və xatirələrini. Biz siyasi bəyanatlar vermirik, siyasi məsələlərdə mövqe bildirmirik və heç bir dövlətin, partiyanın və ya təşkilatın adından danışmırıq. Gürcüstanın qanunlarına və onun bütün icmalarına hörmətlə yanaşırıq. Müsahiblərin fikirləri onların şəxsi fikirləridir və Dvill-in mövqeyini əks etdirmir.
Nº 02Prinsiplər
- 01Mədəniyyət, siyasət yox.
- 02Hər faktın mənbəyi, hər fotonun müəllifi göstərilir.
- 03İcmalar haqqında yox, icmalarla birlikdə.
Nº 03Necə işləyirik
Yoxlayırıq
Hər faktı mənbə ilə tutuşdururuq. Mənbəsi olmayan məlumatı dərc etmirik.
Göstəririk
Hər fotonun və hər faktın mənbəyini göstəririk.
Nº 04Mənbələr
Şurəddin Məmmədli
Gürcüstan Azərbaycanlıları
Tbilisi, 2006. Azərbaycanlıların yaşadığı kəndlər üzrə statistik-ensiklopedik soraq kitabı.
Dr. Aygül İsayeva
Gürcüstanda azərbaycandilli məktəblərdə təhsil alan şagirdlərin ana dilini mənimsəməsinə təsir edən amillər
2026. Azərbaycandilli məktəblərdə ana dilinin öyrənilməsi haqqında tədqiqat.
Gürcüstan Milli Statistika Xidməti
2024-cü il əhali və kənd təsərrüfatı siyahıyaalması
Geostat. Bələdiyyələr üzrə etnik tərkib və kəndlərin əhalisi.
Report.az
Gürcüstanda azərbaycandilli məktəblərin sayı
2 noyabr 2021. 2021/22 tədris ilində 116 azərbaycandilli təhsil müəssisəsi.